Яшчэ за некалькі месяцаў да ад’езду я абдумваў ідэю весці блог
пра тое, куды еду і што буду рабіць. Нават пілотны нямецкамоўны тэкст старанна
напісаў. Але пасольства адмаўчалася (ну і няхай), таму пісаць я буду сюды.
Вядома, першы тэкст я хацеў пачаць па-іншаму і апісваць хацеў зусім іншыя
рэчы, але будзе, як будзе. Другога сакавіка пачалася мая крутая стыпендыяльная
праграма ў нямецкім парламенце – практыка ў Бундэстагу.
Для даведкі: праграма фінансуецца нямецкім парламентам і ў 2015 годзе
праводзіцца ў 29 раз. Свае заяўкі сюды падаюць сотні маладых хлопцаў і дзяўчат
з дзясятку еўрапейскіх краін. Адбор праходзіць у два этапа. Сёлета з Беларусі
нас прайшло двое. Я і дзяўчына Гэлена.
Акрамя нас, на практыку прыехала яшчэ каля 115 чалавек з чатырох дзясяткаў
краін...
Рэчаіснасць радавала роўна да другога дня. Ён выдаўся, як не круці,
насычаным. Я не адышоў і ад дарогі яшчэ. Ды і рэчы напярэдадні толькі забраў
(год назад пакідаў у берліне шмат рэчаў, як скончылася мае вучоба ва ўніверы).
Гэта быў аўторак. У нас была экскурсія па бундэстагу, таксама перад гэтым
нас раздзялілі на пяць груп і мы таксама зрабілі сабе адмысловыя пропускі, як у
дэпутатаў. Доступ, дарэчы, высокі. Мы нават можам гасцей з сабой праводзіць.
Падпісалі пасля таксама даведку аб неразгалошванні некаторых момантаў (пра гэта
тут і не будзе пісацца).
Дык вось. Беручы з сабой з дому назбіраную суму грошай, я думаў, што трэба
будзе абавязкова з розумам ёю распарадзіцца. Напрыклад, купіць хоць раз у жыцці
больш-менш прыстойны касцюм. Справа ў тым, што ў Беларусі з гэтым рэальна
праблема. У мяне высокі рост, а касцюмы шыюцца зусім дрэнь. Не падыходзіць або
ў плячах, або па даўжыні. Карацей, касцюм я планаваў набыць па магчымасці.
Але спяшацца не спяшаўся. Абдумваў, куды трэба зайсці, каб прыцэніцца,
прыглядзецца. Але пару магазінаў мяне толькі расстроілі. Або нічога няма, або
ёсць, але ўзровень іншы – уж занадта крутыя там у іх і якасць, і пашыў. Цэны
ок, ды хоць раз у жыцці я не баяўся глядзець на кошты, бо ведаў, што на касцюм
дакладна павінна хапіць.
Цяпер пра зберажэнні. Зарплату ў Беларусі ашчаджаў. Асабліва не траціў.
Ведаў, што ехаць у Берлін з пустой кішэняй гэта лепш і зусім не ехаць. Але і
самі ведаеце. У любую паездку глядзі – тое самае.
У той вечар я вярнуўся першы. Мой сусед (праграма вырашыла, што ў суседзі
мне дастанецца азербайджанец) дзесьці яшчэ прападаў. Адкрываючы дзверы, мяне
збянтэжыла, што на ключ яны былі не закрытыя.
Зайшоў я ў свой пакой, паклаў на стол ключы і паставіў сумку з пакункамі
(быў перад гэтым у магазіне) на пол. Здымаючы куртку, заўважыў у сябе на ложку
сляды ад зямлі.
??
І адкуль зямля? Няўжо азербайджанцу свайго пакою мала было?
Але ўжо ў наступнае імгненне я падбег да шуфляды, дзе ў мяне ляжалі грошы,
і адкрыўшы яе, усё зразумеў.
Грошай не было. І беларускіх нават (уявіце, нават 50 бел рублёў сцягнулі)
не было. Капец.
800 еўра. Гэта з улікам стыпендыі, якую нам выдалі на
рукі ў першы дзень заезду...
працяг будзе
працяг будзе
Комментариев нет:
Отправить комментарий